| 星期六日, 公司搞所謂既秋季旅行, 去澳門兩日一夜團, 住既都十分唔錯, 係威尼斯人。 至於所請我哋食既一餐就食小飛象, 就唔知點解quality真係可以用"durk"唻形容, 講唔出有咩好食。 星期六朝早, 大家都冇唻精神咁出發, 因為晨早9:45集合, 試問我哋睇完市, 又邊有咁好精神呀...結果....chadwick, 細黃, 馮生都遲到.....走左班船, 要自費出發既船飛。ivan仲慘, 雖然俾佢趕到船, 但係撘的士用左成$130, 上船同我哋玩13張又輸左$240, 未見官先打30大板..... 去到, 大家食完飯就去酒店, 公司要4:00先有房攞, 但1:00未到就到...唯有去賭賭佢, 21點先殺威尼斯人$200。 上哂房後, 我哋自己team大伙兒再集合, 食晚飯, 但係等左呀guy同yani成粒鐘都唔見人, 決定唔等, 放低佢哋兩個, 走左去食翅...佢哋真係走寶啦...呵呵 飯後, 馮生帶隊去永利, 遇到最激氣既事, 我, chadwick, carl坐同一張21點枱, 有一pair鬼佬坐埋唻我同chadwick13, 14點都唔要牌, 莊家開隻3, 個鬼婆守尾門13點都要, 自己爆左, 個莊開隻公仔再開6, 19點win...激到我起身走人, 輸$300, 之後轉枱百家樂win返哂, total 永利殺佢$1100。 最後, 再返威記, 先輸$500百家樂, 轉枱玩21點, 輸剩$200後大返身, 殺佢$1000埋單, 全日合計win $2300。第二日食飯買手信走人。 |
個buffet都算係咁...雖然佢地話係水準以下, 但係以半價既價錢都接受到, 食物既品質都有一定水準既! 再到正日, 大伙兒同事俾面同我去飲茶, 人才仔仔。
